Sant Jordi

Sant Jordi era un cabaleiro que loitou contra un dragón que vivía nun lago e que tiña atemorizada a toda unha poboación de Libia (aínda que a tradición catalana ambienta a lenda en Montblanc, Tarragona). Dito animal esixía dous años diarios para alimentarse a fin de non achegarse á cidade, xa que desprendía un fedor moi forte e contaminaba todo o que estaba vivo. Ó final ocurreu que os gandeiros quedaron case sen ovellas e decidiron que se lle entregara cada día unha persoa viva, que sería escollida por sorteo. Un día, tocoulle a "sorte" á filla do rei, pero, cando o monstruo ía comela, Sant Jordi a salvou. E por ese motivo en Catalunya, Sant Jordi é o patrón dos namorados e é un día considerado como unha auténtica festa, aínda que caia en día laborable.
Este día é o do “libro e a rosa”. A verdade que é unha data moi fermosa, as rúas énchense de postos onde se venden rosas e libros, a xente vai cargada de ramos cun sorriso na cara…