ADSL

Ala, xa está a ADSL instalada! Instalada daquela maneira iso sí, pero a cousa é que vai, que é o importante.
Levo un día relaxado, buscando a información do traballo do doutorado (podería ter escollido un tema máis doado, abofé que sí) e escoitando música (o último en sonar, o mestre Caetano).
Á tardiña baixei ata Glories de compras, calcetíns (hai que repor os pares que deixei na Coruña, que cabeciña...) e un bolso que me encheu o ollo. Que peligro teñen os suecos! (xa o dicía Landa das suecas...). Aínda por riba, trabuqueime de día, mañá estará David Civera firmando discos... Jo, tía! Co que molan as letras traballadas: Perdonameeeeee.

Agora falei con A. Caseque unha hora polo móvil, coma cando de adolescentes pasábamos horas e horas colgadas do teléfono ó saír do cole. Recordos da vida de antes, actualizacións do presente e proxectos de futuro.
S. chamou antes para tomar algo cando saira do ximnasio, pero creo que pasarei...